影片
更多
2023-09-09
221 浏览
净系听「马六」个名都知道呢间餐厅系食星马菜，价钱非常亲民，平日午市经常满座，假日唔使讲，连下午茶都要拎飞排队！餐厅嘅海南鸡饭、喇沙汤面、咖吔多士，都好啱我食，好多时候我自己一个都会帮衬呢间餐厅！今次平日难得早收工，仲赶得切食下午茶，拉埋同事一齐食！$200落楼可以食三个茶餐，再单点两个小食，真系好抵！马六无骨海南鸡饭（餐） $65呢个海南鸡饭我平时都成日食，火候啱啱好，鸡肉好滑，无骨真系好正，跟黑酱油、辣椒酱、姜蓉3种酱料，鸡油饭好香，而且粒粒分明，每次食都清晒！马六鱼三宝槟城虾面（餐） $52平时都系食喇沙汤面多，今次试新嘢，见到Menu推介呢个面一于试吓，点知有惊喜！汤底好重虾嘅咸香味，而且好足料，有齐鱼丸、鱼条、鱼皮，仲有豆角、糖心蛋等配料，铺满晒成碗面！下次可以再encore！斑兰咖吔多士（餐）$28呢个咖吔多真系每次必食，多士又薄又脆，斑斓酱香得来唔会太甜，中间仲有块牛油，香口得嚟都好邪恶！马来手工拉茶（餐饮）由于大家都好钟意奶茶，三个餐嘅餐饮都拣咗同奶茶相近嘅冻拉茶，不过拉茶冇港式奶茶茶味咁重，偏向奶味多啲，好顺滑！娘惹芝麻虾多士（2件） $18细细块嘅多士由一层虾滑一层面
马六无骨海南鸡饭（餐） $65
呢个海南鸡饭我平时都成日食，火候啱啱好，鸡肉好滑，无骨真系好正，跟黑酱油、辣椒酱、姜蓉3种酱料，鸡油饭好香，而且粒粒分明，每次食都清晒！
马六鱼三宝槟城虾面（餐） $52
平时都系食喇沙汤面多，今次试新嘢，见到Menu推介呢个面一于试吓，点知有惊喜！汤底好重虾嘅咸香味，而且好足料，有齐鱼丸、鱼条、鱼皮，仲有豆角、糖心蛋等配料，铺满晒成碗面！下次可以再encore！
斑兰咖吔多士（餐）$28
呢个咖吔多真系每次必食，多士又薄又脆，斑斓酱香得来唔会太甜，中间仲有块牛油，香口得嚟都好邪恶！
马来手工拉茶（餐饮）
由于大家都好钟意奶茶，三个餐嘅餐饮都拣咗同奶茶相近嘅冻拉茶，不过拉茶冇港式奶茶茶味咁重，偏向奶味多啲，好顺滑！
娘惹芝麻虾多士（2件） $18
细细块嘅多士由一层虾滑一层面包制成，再用芝麻包满，食落劲酥脆卜卜声，当小食啱啱好，唔会太饱，又有口感！
街头鸡肉串烧（2串）$26
沾满惹味酱汁，味道丰富，鸡肉几厚实！
张贴
