皇子印度餐廳 (海富樓)

营业中

休息中

又同屋企人食皇子咖喱屋，通常我同屋企人都系食午市套餐，而价钱就由六十几至八十几不等，而且选择都好多，鸡鱼羊牛都有，薄饼都有几款俾你选择，套餐除咗主食之外仲有餐汤同埋嘢饮包埋，最重点系食套餐嘅话系可以任食烤饼的，所以真系好抵食！今次就同屋企人点咗两个套餐，咖喱牛腩，配薯仔薄饼同埋烤蒜子鸡件，配千层饼。咖喱牛腩，除咗牛腩之外仲有一嚿大薯仔，而我最钟意就系蒜子鸡，有五大旧，而且好嫩滑，好Juice！薯仔薄饼口感会比较实在，而千层我就觉得有少少甜甜地嘅味道，而且系烟韧！而任食嘅烤饼就系最传统既烤饼，我今次都加咗二次，每一次都系热辣辣即整！好正！而饮品方便就加钱饮冻柠茶，和Mango Lassi ，好浓芒果味。