影片
更多
2024-11-05
212 浏览
有时会去市集行下街，而餐厅系正荔枝角MTR同埋D2 Place出面，去完市集再过嚟食下野坐下都唔错。装修同平时对饺子舖嘅印象好唔同，好靓几有特色。而且仲有平时少见嘅味，有松茸有芝士甚至有寿喜烧牛肉味，甚至有全素饺满足唔同人嘅口味。拣咗香煎软心芝士饺、煎元贝猪肉饺，汤嘅双拼大白菜猪肉饺加云耳椰菜猪肉饺，另外仲加咗个菜。全部味都好想试所以每款都拣咗7只，可以试多啲﹗加购咗白桃乌龙牛乳茶同埋蟀蜜柠檬薏米，无论热饮定冻饮杯上面都有好可爱嘅图案，原来系一只浸紧汤嘅饺子，杯上面系餐厅嘅名，好正。白桃乌龙牛乳茶嘅牛奶味好出，同埋清新嘅茶好夹，甜甜地又唔腻，边食边解渴。而另一杯更加解渴同埋更健康嘅薏米水都系必试，加埋蟀蜜同柠檬令到味道好丰富。主角饺子，我最最期待嘅香煎软心芝士饺﹗上枱已经好香喷喷，咬落真系超浓郁嘅芝士味，肉眼睇已经好多，煎完软心融咗落去啲肉同埋粟米粒度，食落有种被芝士包围住嘅幸福感。元贝猪肉饺仲有金菇同埋西芹，西芹味有小小抢。外皮煎到劲香超脆，每一只饺子都好饱满好足料﹗超出色﹗饺子除咗馅料同饺子皮好重要之外，酱料都占好重要嘅位置。有醋、四川辣酱、菜脯豆豉辣椒酱同埋盐。因为中意食辣所以两
而且仲有平时少见嘅味，有松茸有芝士甚至有寿喜烧牛肉味，甚至有全素饺满足唔同人嘅口味。
拣咗香煎软心芝士饺、煎元贝猪肉饺，汤嘅双拼大白菜猪肉饺加云耳椰菜猪肉饺，另外仲加咗个菜。全部味都好想试所以每款都拣咗7只，可以试多啲﹗
加购咗白桃乌龙牛乳茶同埋蟀蜜柠檬薏米，无论热饮定冻饮杯上面都有好可爱嘅图案，原来系一只浸紧汤嘅饺子，杯上面系餐厅嘅名，好正。白桃乌龙牛乳茶嘅牛奶味好出，同埋清新嘅茶好夹，甜甜地又唔腻，边食边解渴。而另一杯更加解渴同埋更健康嘅薏米水都系必试，加埋蟀蜜同柠檬令到味道好丰富。
主角饺子，我最最期待嘅香煎软心芝士饺﹗上枱已经好香喷喷，咬落真系超浓郁嘅芝士味，肉眼睇已经好多，煎完软心融咗落去啲肉同埋粟米粒度，食落有种被芝士包围住嘅幸福感。元贝猪肉饺仲有金菇同埋西芹，西芹味有小小抢。
外皮煎到劲香超脆，每一只饺子都好饱满好足料﹗超出色﹗饺子除咗馅料同饺子皮好重要之外，酱料都占好重要嘅位置。有醋、四川辣酱、菜脯豆豉辣椒酱同埋盐。因为中意食辣所以两款辣酱都拎咗啲试下。
本来汤饺就咁食已经好好食，因为每款都好足料，猪肉肥瘦适中，菜蔬嘅份量都唔少，每一啖都食到菜同肉嘅味。而加埋特制酱料令成个味道提升咗层层次，特别中意菜脯豆豉辣椒酱，食落好惹味，都几辣下，但超级过瘾，如果食得辣又中意食辣一定要试埋。
另外加咗菜令自己好似无咁大罪恶感，每棵都好大棵，仲有松茸同红枣。
张贴
