阿叔泰麵 (西菁街) (已結業)

作为港岛人，好日都唔入元朗，入去紧系贯彻「睇好评、揾好食」嘅做法啦！系唔知实际地点嘅情况下就拣左呢间！舖头面积唔算好大，装修方面却有特式，餐厅内播放住一粒音都听唔明嘅泰文歌，顿时增添不少泰式风情。泰版层层叠船面好有趣，可惜撞唔岩时间，只可以食返普通大碗嘅船面。嗌咗猪肉船面，每碗有猪肉片、猪肉丸、芽菜、通菜、花生碎同炸猪皮。汤底用新鲜牛骨熬制而成，汤头非常浓厚！餐厅介绍「四大调味缺一不可」食法，包括鱼露、白糖、白醋、辣椒粉落去捞，除了白糖外我每样都加了一羹，结果辣粉的辣把牛骨汤底的味道覆盖了，成餐味蕾都浸淫系辛辣之中😂温馨提示记得逐少逐少落调味料去调味～饮品方面如果饮到香茅班兰特饮就好啦～踩单车前避免饮奶类制品，最后选择了蝶豆花柠檬蜂蜜特饮，系辛辣的船面中呢杯特饮简直系救星！ 小食方面，都有好多选择，有芒果糯米饭、木瓜沙律、无骨凤爪、猪颈肉，小牛扒、鸡翼……等等～谂住最后先嗌芒果糯米饭去埋尾，由于碗船面份量十足，我地芒果糯米饭无缘……餐厅位置比较唔近旺区，唔熟路嘅可能会兜多几个圈先到。