船皇 (大埔超級城) (已結業)

真系好挂住泰国，以往一年去几次泰国，但今年疫情影响睇怕都去唔到，所以今日就去船皇食返碗面，止下心瘾。呢次食船皇汤面同埋船皇捞面，少辣。饮第一啖汤，不禁哗一声，好足料，牛味好出，好浓郁。牛肉、牛肉片𠮶啲都好入味，猪肉丸好弹牙。炸猪皮略为有少少硬，需要浸一阵先好食。串烧方面叫咗鱿鱼酥、菠萝、猪肉同埋朱颈肉，烧汁好惹味。值得一提系泰式奶茶，去过泰国嘅朋友仔都知道泰国奶茶系非常之甜，但船皇特制嘅奶茶符合返香港人口味，将甜度降低，提高奶味，配上浓浓嘅茶味，正！至于服务质素方面，员工好友善好礼貌，愉快嘅一餐。今次未有鸡皮供应，下次要食返！