老爺點心 (已結業)

之前响老爷食过炭里香，一试难忘！今次见到团购有优惠，一于要黎再食。我地2个人选择左$568既「晚上老爷请食饭」（set dinner). 有点心、老火汤、烧烤和饭面，样样都试到，好开心！4款点心选择左炭里香、和牛酥、叉烧包和鲜虾时菜饺。炭里香仍然好好味，旧炭系炸排骨，又香又脆，食唔停口！和牛酥都好出色，连一向唔食牛肉既我都觉得好味！4款烧烤选择左老虎虾、栗米、黑毛猪和魔鬼鱼干。我觉得烧烤就一般，唔太特别。饭面就选择左章鱼肉饼饭和老爷风味鸡饭。蒸饭味道好，章鱼味浓，而鸡亦好滑。除左个餐，加左个菜和两杯冻奶茶。原本想饮热奶茶，但因为过左last order而冇得饮。后来侍应话冻奶茶系预先冲好再雪冻，所以有冻奶茶提供。既然系金牌奶茶，冻既都要试试啦！味道果然系好，好地道港式奶茶，不过我始终钟意饮热奶茶多D! 整体来说，我和朋友对餐饭好满意！环境好，坐得舒服，食物好，服务好，绝对系朋友食饭倾计既好地方！