肉餅哥小炒料理 (已結業)

去左旅行成个星期，返黎香港特别想食港式食物 所以就去左大围既肉饼哥。我同朋友就系夜晚时段食，等左一阵位，不过都系超短时间。老火汤好耐未饮过港式既汤，因为外国个边无汤饮。好足料下 到左主菜方面，我同朋友一人点左一个肉饼饭。呢度既肉饼饭类型好多，我同朋友点左惹味鹅肝煎肉饼配白饭，另外要左个蒸原只波士顿龙虾肉饼配菜饭一齐开心share 黎食 惹味鹅肝煎肉饼配白饭一上黎个阵比个饭吓亲，肉饼超大个 因为好肚饿既关系，所以呢个size 对我黎讲唔太大，同埋我本身食量唔细，但如果你食量细，可能真系可以3个人食两个，另外再点小食都得。 鹅肝配肉饼我真系第一次试，估唔到甘夹，呢个饭推介 蒸原只波士顿龙虾肉饼配菜饭龙虾超大只，影相黎呃like 唔错 哈哈 饮品我同朋友就要左橙汁同番西榴汁。2枝果汁都好好饮，建议大家可点黎配肉饼饭。