K Square 3 Grill & Bar (已結業)

日本串烧食得多，但自己系炉烧就好新奇，可能我大乡里啩，时间尚早，餐厅不是太多人，枱亦摆放算宽松，又有日本MTV 伴食，食欲大增，我地叫咗个浜烧鲜活海鲜，佐贺A4和牛，野菜盛合. 都系二人份量，卖相win 哂，大虾，松叶蟹柳，鲍鱼，生蚝，帆立贝，睇落好新鲜，虾好大只，蟹柳肥嘟嘟，其他D餐厅好细痩架，我地见到D和牛对眼发哂光，D纹好均衡，流哂口水，虽然自己烧可以控制生熟度，但又好似有D难度，控制唔好，过熟既话就激死，幸好店员会不时帮我们将D海鲜系炉上反转，仲提醒不要烧过时，并要加入调味, 有海盐，烧汁等等，佢地好有耐性，好细心解释用边种调味最适合，有人提点当然烧到啱啱好，保持肉汁，好鲜甜，虾又大又弹牙，鲍鱼刚刚好，好鲜嫩，加埋烧汁，好鬼好味，正👍 , 生蚝，帆立贝烧完就缩咗水，不过都鲜甜，A4级和牛，急不及待，店员提示不宜烧太久，两边轻轻烧一阵就可以，不太肥不太瘦，入口即溶，完全冇渣，只有一个正字，冇得顶👍 我地再加咗儿时喜爱既烧棉花糖，外脆内软，好满足，杂菜天妇罗，炸浆唔算厚，炸到刚刚好，我地慢慢咁烧下烧下，两个人竟然食得哂，饱到想即刻瞓😁