林洪記水產

营业中

休息中

我喺条街行行下,突然见到间餐厅,望落去好似好普通嘅海鲜档,但系餐牌一睇,哗！成堆海鲜任你拣,价钱又唔算贵,即刻决定入去试吓！我叫咗个海鲜火锅放题, 落单无耐大约5minutes 成枱都系海鲜！有大头虾、鲜甜嘅扇贝、爽口嘅鱿鱼,仲有啲我平时都唔敢叫嘅海胆！最正系有个胡椒猪肚鸡锅底,个汤底又浓又香,饮落去暖笠笠,真系好舒服。每样都分类讲一讲la .. 胡椒猪肚鸡锅个汤底真系一绝！胡椒味香浓,猪肚又炆得够腍,成个汤底都吸晒啲海鲜嘅鲜味,饮到停唔口。海鲜蒸气放题呢个就主打la！自己拣海鲜,自己蒸,成个过程都充满乐趣。啲海鲜蒸完之后,鲜味十足,完全食得出佢哋嘅新鲜。安格斯牛肉好嫩滑,一放入口就溶晒喺口里面,配埋个海鲜汤底系绝配。大头虾：讲到呢只大头虾,我真系食到唔停la！啲肉又弹牙又爽口真满足。