大喬日本料理 (已結業)

前几日去左湾仔lee间大乔食日本野，一入到去就觉得环境好好，仲要有条小桥，咁都俾佢谂到，唔错!! 环境舒服~座低之后，个waiter好细心咁介绍，结果就听佢讲，试左个剌身Lunch Set。对于劲钟意食日本野既小弟，对刺身既要求都特别高，结果都无令我失望，样样野都好精致，味道当然唔使讲，而主角刺身都非常新鲜~~~拍得住酒店既水准，值得一赞!!! 个餐有晒我最喜欢既甜虾同海胆，若果带埋条女黎食, 实开心死佢!顺带一提，甜品雪糕入面有一粒粒既柚子，虽然本人唔钟意食甜野，不过都觉得ok，几清新，大家可以一试~