影片
更多
2012-07-11
112 浏览
几个星期前，有日下昼同男友喺大围火车站附近揾食，行下行下，见到垃圾房𠮶条街，有间装修几靓，门口用木＋玻璃砌成嘅舖头，望入去有几张石枱，我同男友都认为，呢度应该系开西餐厅。我哋见里面有几个人执紧嘢，于是行过去8下，问下食乜嘢，点知个老板话系生蚝吧，仲要系即开即食𠮶种！ 哗！正呀！我嘅至爱之一呀！我问老板几时开张，佢话过多两个星期。于是我就攞定订座电话，打算同朋友一齐去试试佢。上星期，我就同朋友去试呢间生蚝吧。我预早两日打电话去订10位，听电话𠮶个负责人好有礼貌，除左问我想食咩之外，仲问我有冇小朋友等等问题，可能佢哋新开张啦，所以啲态度好好，希望佢哋可以keep住就好喇！ 喺电话度，个负责人首先问我想食咩国家嘅蚝多，佢话如果有特定想食嘅可以话佢知，佢就会预货。我订左男友最钟意食嘅Gillardeau，然后我问会唔会有Ostra Regal啦，佢竟然好快同好肯定咁答：「有！」 真系估佢唔到呀！平时如果想食蚝，我通常都只贪方便会响CitySuper买，但就只会买到啲最common嘅蚝，但系我知我以后都唔驶去CitySuper啦，因为呢度啲蚝款又多，而且价钱唔贵，最紧要系唔驶搭车出去买。不过，
上星期，我就同朋友去试呢间生蚝吧。我预早两日打电话去订10位，听电话𠮶个负责人好有礼貌，除左问我想食咩之外，仲问我有冇小朋友等等问题，可能佢哋新开张啦，所以啲态度好好，希望佢哋可以keep住就好喇！ 喺电话度，个负责人首先问我想食咩国家嘅蚝多，佢话如果有特定想食嘅可以话佢知，佢就会预货。我订左男友最钟意食嘅Gillardeau，然后我问会唔会有Ostra Regal啦，佢竟然好快同好肯定咁答：「有！」 真系估佢唔到呀！平时如果想食蚝，我通常都只贪方便会响CitySuper买，但就只会买到啲最common嘅蚝，但系我知我以后都唔驶去CitySuper啦，因为呢度啲蚝款又多，而且价钱唔贵，最紧要系唔驶搭车出去买。
不过，兴奋都要理性的。始终呢度新开张，我又未试过佢啲蚝系咪真系新鲜，我梗系唔订咁多啦，加上有几个朋友只系会食生蚝，唔系爱食生蚝，所以我total只系订左3打生蚝10个人分，包括10只Gillardeau、10只Ostra Regal、10只White Pearl，同埋6只Coffin Bay。除咗生蚝，个负责人仲介绍我试下佢哋个猪肋骨，因为要预订先有，其他牛扒同羊扒就可以去到先叫，又如果我哋10个人可以订全条猪肋骨，大约有14-15支骨。我谂，我哋10个人有8个都系男人，仲要唔系细食𠮶种，揾啲肉食饱佢哋都好㖞~ 于是，我订咗一条猪肋骨喇。
𠮶日我同男友大约7：30去到，见到佢哋已经set好晒枱（好似最后晚餐咁），基本上里面放完我哋张10人枱之后，只系净返一张4人枱，好似包场咁。呢间餐厅虽然都几细，但都装修得几靓，啲櫈好舒服。由于呢度未有酒牌，所以唔收开瓶费，我同男友就喺屋企拎咗2支白酒同2支红酒去。大约8点人齐，负责开蚝𠮶个男人就对住啲我哋，企喺开蚝𠮶个位度，一路开蚝，一路同我哋吹水。即开即食真系唔同啲嘅，啲蚝又肥又鲜甜，加埋淡海水，真系好味到不得了呀！
开蚝𠮶个人见我食得咁开心，竟然送多咗两款蚝比我食，一只系Kumamoto，另一只系Pacific Rock，呢两款都好鲜好甜，正！！！ 除咗生蚝，我哋仲叫埋珍宝牡丹虾、甜虾、珍宝带子同翡翠螺，既然预咗食餐「蚝」嘅，咁都唔争在啦！ 𠮶只牡丹虾，哗哈哈，差唔多有我只手掌咁长呀！（不过我手细）
食完生嘢，我哋就食熟食喇。喺食完生嘢上熟嘢之前，𠮶度原来有汤送㗎！好细心呀！个汤系芝士西兰花汤，好饮！
前菜方面，我哋叫咗1个牛肋条沙律、1个虾沙律、2份黑豚肉卷。我本来想试吓个鹅肝㗎，但咁多人又唔知点分㖞，跟住男友话下次同我两个人嚟食，嘻嘻。
主菜我哋就有一条猪肋骨、两块西冷（个开蚝男话呢块其实系叫New York Steak，我唔记得佢话系牛西冷隔离唔知边度又短啲𠮶条肉，由于我唔食牛，加上又挂住食，所以冇留意佢嘅解释）同5份澳洲羊扒（呢度有两款羊扒，我食呢款系贵啲嘅，＄240／2件，另一款平啲嘅唔记得几钱）。 𠮶日接电话𠮶个负责人真系冇介绍错，个猪肋骨真系好好味，配菜啲薯仔都好甜。我问开蚝𠮶个男人，𠮶日接电话嘅系咪佢啦，佢话：「唔系，应该系大厨。」咁唔怪得佢推介我食呢个猪肋骨啦！
食完啲扒，我同另一个女仔朋友都已经好饱，但班大食男话要叫意粉，于是佢哋就叫咗1个卡邦尼意粉、1个白汁黑青口意粉＋1个茄汁海鲜扁意粉。个卡邦尼嚟到，哗，好香芝士味，而且上面加咗只生蛋，好特别。虽然我好饱，但都忍唔住食咗一啖，正！跟住之后嘅白汁黑青口意粉同茄汁海鲜扁意粉我都冇食，因为实在太饱，但个开蚝男叫我试吓个黑青口，佢话出面通常都系用蓝青口，而佢哋就用黑青口，话好食好多。好啦，既然人哋开到声，又请咗我食两只蚝，咁我就食啦！不过，又真系几好味㖞。
食晒枱面上嘅食物，大家都已经饱到捧住个肚，点知又有另一个男人问：「要唔要食甜品？我哋自己整㗎，送比你哋食丫。」我成日都话，食甜品系用第二个胃，咁梗系试啦。个甜品男话，佢哋啲甜品冇定话有啲乜，𠮶日做乜就出乜。而我𠮶餐就系homemade苹果批加云尼拿雪糕。个苹果批好好食，唔系太甜，而且啲苏皮好香，真系唔错。食到饱一饱，我哋坐响度吹下水，饮下酒，由8点开始食到差唔多12点，但𠮶度啲负责人都好好，冇话赶我哋走，反而仲同我哋一齐吹水添！ 埋单嘅时候，个开蚝男话新张优惠，免收加一，埋单都只系＄3900左右，即系一人＄400有找，食咗咁多好嘢，都唔算贵。
呢餐真系好满足，而且食得好开心。 不过，呢度有样唔好嘅系个地点比较难揾，我同男友因为住呢头，又咁啱𠮶日无无聊聊先撞到入嚟，有对情侣朋友住荃湾，佢哋话揸车嚟就好快呀，一出城隧就到大围，但就兜咗几次先揾到呢间餐厅，不过有街泊，话悭返啲泊车钱，算佢啦！仲有，我订位𠮶日其实打咗好几个电话去先至有人接，唔好耐性嘅真系睬你都傻。不过总括嚟讲，呢餐我好满意 我谂，呢度好有可能会成为我嘅食堂之一。
张贴
