漁樂鍋 (已結業)

今日同一大班朋友去咗黄埔嘅渔乐锅度食野，间餐厅个位置都算方便，由红磡站行过嚟都系10分钟左右，如果搭观塘线的话亦可以行去黄埔站，亦都系只需要5分钟嘅路程。我哋大概七点半钟去到，一入到去嘅时候见到唔系太多客人，但原来依间系岩岩新开。去到点餐嘅时候，我哋每人叫咗一个海鲜餐，每人都只不过系＄198 ,同埋餐厅有样嘢都好细心嘅，就系佢会写明晒每种海鲜需要煮嘅时间，方便我哋呢啲门外汉可以食到最好味嘅海鲜。个餐都包左好多唔同嘅海鲜，有鲍鱼、蟹、虾、贵妃蚌等等，每种食材都非常之新鲜，特别啲虾送到枱上仍然系扎扎跳嘅。食到最尾仲会俾埋南瓜等等嘅材料落去煲粥，非常惹味。而另外仲有一样非常好嘅地方，就系佢每张枱都会送一包湿纸巾，当我地食完海鲜成手痴粒粒嘅时候，𠮶啲湿纸巾真系我哋嘅救星，非常抵赞！总括嚟讲呢间餐厅食物质素非常好，服务质素亦唔错，绝对系一间性价比高嘅海鲜边路餐厅。