盛八食堂 (已結業)

今晚去左铜锣湾做野，难得过香港区，当然食埋晚饭先反屋企啦。系openrice揾食，揾到呢间食蛋包饭嘅盛八食堂，之前冇试过，但因为系出名蛋包饭就好想去试下。 7：15到已经有七八个人等紧位，不过我地等左十五分钟就有位lu。入座前已经谂定食咩啦，梗系蛋包饭同出名蛋三文治啦。我地叫左一个牛肉蛋包饭，一个鸡肉蛋包饭配烧汁/cream mushroom汁。牛肉蛋包饭系食极唔肥男朋友嘅，见到卖相我就…好混乱好多嘅汁，我试左小小，汁温度唔够热，蛋虽然够软但只系盖饭面冇全个饭包住而且好薄。汁嘅味道就好日本味--偏甜，我唔钟意。到我个鸡肉蛋包饭，哗，卖相差好远。靓好多。呢个系好正宗成个用蛋包住，蛋好滑好软又易切开唔会散，另外蛋皮唔会太厚，可惜鸡蛋味道唔够香浓，呢个饭配cream汁好味d, 汁入面有少量蘑菇片，饭系香草饭好够热 但汁嘅温度都系唔够热，所以食起黎有d腻。 到蛋三文治，系卖相最好嘅一款，烤过嘅包配超厚鸡蛋，切成幼身三件，好易食，起码唔会食到d蛋跌哂出黎先啦。虽然好似冇加盐入去煮d蛋，但都食唔到好浓蛋嘅香味，但就够滑够嫩。整体黎讲食物味道都ok,系选蛋同汁嘅温度可改善嘅话就最好啦！另外服务员都好