蘭桂坊車仔麵 (已結業)

喺中环呢一啲咁繁嚣嘅地方，要揾一碗好食嘅粉面其实系好艰难。喺兰桂坊附近要揾一碗面，难上加难。自从明珠执咗笠之后都冇乜嘢平靓正。平时食晏经过呢间车仔面都见到有几个人会排队，今日早少少放饭就去咗食。12:45 去到间铺头仲有大约六七个位，成间铺头坐到大约30人。好啦讲返食物，我叫咗鸡翼萝卜麻辣猪耳同埋辣汁嘅米粉再加多一碟菜心，最出色嘅就系萝卜而佢嘅汤底同埋菜心都系淡而无味。我系落咗少少豉油去吊味。分量来讲都算可以，不过我觉得以一只鸡翼就一味𩠌有啲过分。我会觉得性价比唔系特别高可以唔使排队。特别一提，间铺头净系收现金同埋冇纸巾。