影片
更多
2015-06-26
937 浏览
9月14日, 我地不嬲都有一股台湾牛肉面情意结, 喺台湾食过地道嘅牛肉面, 返到嚟香港一直都食唔番𠮶只味, 食过好多话正宗但系都好鬼失望... 今日嚟到钻石山荷里活广场, 见到呢间连锁式台湾牛肉面店, 我地屡败屡试精神又出现, 系要食个牛肉面不可~::: 原汁牛肉面 ::: $42个牛肉面睇嚟唔错, 仲配有好似咸酸菜应该会系一个卖点. 加上牛肉好似份量都几多, 望落都好似几正宗咁~ 当然要知正宗与否只要饮啖汤就知, 一饮就知系出事... 汤底应该系精髓, 要重口味香浓但系唔会呛喉, 仲应该有种回甘嘅味道~ 之但系呢个汤唔够味, 只可以话口味够重, 但系绝冇香料味... 浓得嚟只系可以用有咸来形容. 牛肉都尚算可以, 但系唔够淋仲有几多筋. 面条亦唔够烟韧又唔入味... 个咸菜好似用来点缀个面, 但系食落又唔系好夹, 冇乜特别. 求其喺台湾一个夜市其中一档都好味过佢.::: 油炸大排饭 ::: $48本身以为呢个大排饭系盐酥肉排𠮶d, 但原来系一块炸猪排, 调味十分重, 又椒盐又黑椒咁... 猪排较瘦, 炸得比较干, 咬落亦较韧亦唔够嫩.幸好有几块拍青瓜可以中和下d浓味干瘦猪排... 食
::: 原汁牛肉面 ::: $42
个牛肉面睇嚟唔错, 仲配有好似咸酸菜应该会系一个卖点. 加上牛肉好似份量都几多, 望落都好似几正宗咁~ 当然要知正宗与否只要饮啖汤就知, 一饮就知系出事... 汤底应该系精髓, 要重口味香浓但系唔会呛喉, 仲应该有种回甘嘅味道~ 之但系呢个汤唔够味, 只可以话口味够重, 但系绝冇香料味... 浓得嚟只系可以用有咸来形容. 牛肉都尚算可以, 但系唔够淋仲有几多筋. 面条亦唔够烟韧又唔入味... 个咸菜好似用来点缀个面, 但系食落又唔系好夹, 冇乜特别. 求其喺台湾一个夜市其中一档都好味过佢.
::: 油炸大排饭 ::: $48
本身以为呢个大排饭系盐酥肉排𠮶d, 但原来系一块炸猪排, 调味十分重, 又椒盐又黑椒咁... 猪排较瘦, 炸得比较干, 咬落亦较韧亦唔够嫩.幸好有几块拍青瓜可以中和下d浓味干瘦猪排... 食完好口渴, 味精颇重手~
::: 珍珠奶茶 ::: $18
珍珠奶茶尚算合格, 奶味有D过多, 令茶味失色, 胜在够冻~
其实, 喺香港食牛肉面, 有9成都系会失望, 就系食唔到喺台湾𠮶种风味, 但系耐唔时又会条瘾起, 明知会失望都走去食... 希望我地可以快d揾到一间令我地满足嘅牛肉面啦~
原汁牛肉面
$42
45 浏览
0 赞好
0 留言
油炸大排饭
$48
63 浏览
1 赞好
0 留言
珍珠奶茶
$18
44 浏览
0 赞好
0 留言
张贴
