影片
更多
2008-07-06
18 浏览
见好耐无食过车仔面，好想食，今日又落鬼咁大雨，咁咪买返屋企食。叫了一碗：米粉、猪大肠、猪皮、萝卜 $23元，另一碗：米粉、猪大肠、牛筋、萝卜$25元。猪大肠普通啦，但算洗得几干净，猪皮有几片有d硬！佢d 汁味道好淡，真系失望！其实味道真系一般，相比之下，牛头角『文记传统车仔面茶餐厅』好食过佢好多！价钱又平过佢！我外卖要排队都好正常丫，堂食都要叫人排队，真系好奇怪，搅到d 客排队要排到出街！(今日仲落咁大雨！)摆明要做到好似好多人帮衬咁！(果然好高招！)但佢地的服务态度真系好有问题，车仔档有三个人做野，一个渌面，一个毕𩠌，一个写低你食几钱，差不多轮到我，我前面个女人落完order，咁我同渌面果个讲要咩咯，毕𩠌果个竟话我排得唔好，(因为我同前面个女人一直保持一个人身位)大佬呀，唔通我要贴住前面个人的背脊才叫排得好？搅到我以为自己系小学生排队，毕𩠌果个系训导主任添！真系奇怪！之前已经听朋友讲，话佢地无礼貌！果然真系咯！我想回应下『cs饼饼』：D明星都系平时食得好野多,食下车仔面就觉得好食间舖系贴左好多明星光顾，其实如果你有留心睇，有份光顾的明星，全部都系当时住西贡的，佢地唔系特登驾车入黎食架
今日又落鬼咁大雨，咁咪买返屋企食。
叫了一碗：米粉、猪大肠、猪皮、萝卜 $23元，
另一碗：米粉、猪大肠、牛筋、萝卜$25元。
猪大肠普通啦，但算洗得几干净，
猪皮有几片有d硬！佢d 汁味道好淡，真系失望！
其实味道真系一般，相比之下，
牛头角『文记传统车仔面茶餐厅』好食过佢好多！
价钱又平过佢！
我外卖要排队都好正常丫，堂食都要叫人排队，
真系好奇怪，搅到d 客排队要排到出街！(今日仲落咁大雨！)
摆明要做到好似好多人帮衬咁！(果然好高招！)
但佢地的服务态度真系好有问题，
车仔档有三个人做野，一个渌面，一个毕𩠌，一个写低你食几钱，
差不多轮到我，我前面个女人落完order，咁我同渌面果个讲要咩咯，
毕𩠌果个竟话我排得唔好，(因为我同前面个女人一直保持一个人身位)
大佬呀，唔通我要贴住前面个人的背脊才叫排得好？
搅到我以为自己系小学生排队，毕𩠌果个系训导主任添！真系奇怪！
之前已经听朋友讲，话佢地无礼貌！果然真系咯！
我想回应下『cs饼饼』：D明星都系平时食得好野多,食下车仔面就觉得好食
间舖系贴左好多明星光顾，其实如果你有留心睇，有份光顾的明星，
全部都系当时住西贡的，佢地唔系特登驾车入黎食架！
佢地应该间间都有帮衬过，其他店舖可能无特登叫佢地映相啫。
(我成日都见到刘青云夫妇、欧阳波比、林文龙夫妇、李克勤夫妇系西贡出没架啦！
我见林文龙夫妇、李克勤夫妇都系帮衬其他食肆架㖞，都无帮衬呢间野啦)，
呢间野个老板死唔执输，见d明星帮衬，拉拉声揾佢地映返张相！
扮晒多明星照！(睇黎佢个相机长期放系舖头！！！)
张贴