一品雞煲火鍋

营业中

休息中

近排兴芫荽，钟意食芫荽嘅朋友就啱哂嘞，一大撮芫荽！为免黐底，记得加热过程中要搅搅佢。眼见现场唔少人「大安主意」由得啲鸡响缺水嘅情况之下干煲到出哂燸味，佢哋就顾住捽手机同倾偈，我真系唔知讲咩好。鸡件份量足，要麻有麻，要辣有辣，调味方面系冇得弹嘅，可惜鸡件的皮下脂肪黄油部份太多，对于时下讲究健康嚟讲呢就唔系太好嘞。意想不到嘅系虽然呢度嘅主打菜色系鸡煲，但系呢度嘅安格斯肥牛无论色水、肉质以至牛味都系上等水平。鱼的确系脆嘅，由于响重麻辣嘅调味之中滚熟，所以系食唔出任何泥味、腥味。估唔到西洋菜嘅甜同麻辣汤底嘅麻辣味竟然系夹得到㗎㖞！竹蔗茅根水望落就几足料，但系饮落就淡口咗啲。