滾爺火鍋 (上海街)

营业中

休息中

天气终于转凉，系时候打边炉啦！今次帮衬呢间新店新开张，位置油麻地旺中带静既位置。餐厅除左地面之外，楼上亦有位。职员态度有善，服务周到。油麻地又多一间好餐厅，真系好呀。泰国椰子鸡锅职员成个椰青攞出黎喺你面前倒椰青水，即刻想像到椰青水嘅清甜味，劲正。有好多鸡肉，鸡肉嫩滑，鸡皮弹牙。我最钟意佢切好一片片椰肉放埋落去煲，煮熟左既椰肉好淋好滑溜，仲充满椰味！食完鸡饮完汤，就可以叫职员加火锅汤底开始打边炉啦！脆鲩鱼片色泽好靓，放落去滚两滚好快就卷起，不过鲩鱼一定要渌熟先好食呀！鲩鱼肉质结实，清爽脆口，果然系适合用黎打边炉。新鲜第一刀新鲜猪肉，所以唔系雪藏货。猪肉猪味浓郁，肉质弹牙而不靱，无肉筋，脂肪分布均匀。