武士拉麵 (已結業)

最近我同男朋友都钟意咗食拉面，所以就上咗OpenRice度揾有啲咩拉面好食。见到呢间武士拉面几多人话好食，所以就同咗男朋友去食。------------------------------入面嘅空间虽然唔算好大，但系都坐得几舒服。佢仲好贴心咁有酒精搓手液提供。------------------------------老板好好，见我哋谂唔到食咩，就推介我哋食全舖最好食嘅两款拉面。------------------------------德川将军拉面$88呢款系酱油猪骨拉面，感觉汤底好浓，而且饮完都唔会觉得口渴。面嘅硬度适中，唔会太硬又唔会太软，而且佢嘅糖心蛋都整得好好。丰臣将军拉面$98而我呢碗就系葱油汤底拉面，食落唔会好油腻，啱啱好，而且面头仲有好多葱，好正。果然老板冇介绍错。------------------------------见到好多OpenRice食评都话呢一间拉面做到七月就唔做，谂到以后都食唔到咁好食嘅拉面就觉得好可惜。