影片
更多
2022-08-26
109 浏览
好有仪式感嘅一间铁板烧😍师傅每个菜都用心制作，除咗用料上乘，调味都配得好好，就连摆盘都好有心思，食得开心睇得仲开心。我哋拣咗日本产和牛象拔蚌二人餐，$2680首先会上沙律同前菜，沙律加入秋葵同藜麦、酸酸甜甜嘅酱汁，好开胃。前菜会因季节而改变，当晚食嘅系酒煮鲍鱼，酒味都几重，好味。汁煮白鳕鱼 师傅会特登分开块鱼皮，原本以为佢会丢咗佢，点知原来除咗食之外，仲可以用嚟摆盘㗎，好有心机好靓。我哋先食鱼皮，好似炸鱼皮咁劲香脆，鱼肉则好滑口感好细腻，配上加入大量洋葱嘅日本鱼汁，甜甜哋，好味之余仲冇咁油腻。日本象拔蚌--水松贝 好少食日本嘅象拔蚌，原来都咁好味。象拔蚌净系加少少牛油，师传整十零秒，加入少少柠檬汁，就食得啦。首先试原味先，蚌肉好新鲜好弹牙，口感好好。之后就可以试吓浓味少少嘅Wasabi酱，好惹味。我见同枱嘅其他客大部分都拣咗龙虾餐，大家望住我哋嘅蚌好似好有兴趣咁🤣季节料理--蒜蓉炒日本白花菇，呢个菜又系会跟季节转嘅，𠮶晚我哋就食到大大只嘅日本花菇，菇整得好冧好入味，加入蒜蓉，增加香味。熊本県产A+和王牛呢个唔系普通和牛，系和王牛，极品中嘅极品🤣师傅烧嘅时候净系加咗少少盐同胡椒，我哋先试
我哋拣咗日本产和牛象拔蚌二人餐，$2680
首先会上沙律同前菜，沙律加入秋葵同藜麦、酸酸甜甜嘅酱汁，好开胃。前菜会因季节而改变，当晚食嘅系酒煮鲍鱼，酒味都几重，好味。
汁煮白鳕鱼
师傅会特登分开块鱼皮，原本以为佢会丢咗佢，点知原来除咗食之外，仲可以用嚟摆盘㗎，好有心机好靓。我哋先食鱼皮，好似炸鱼皮咁劲香脆，鱼肉则好滑口感好细腻，配上加入大量洋葱嘅日本鱼汁，甜甜哋，好味之余仲冇咁油腻。
日本象拔蚌--水松贝
好少食日本嘅象拔蚌，原来都咁好味。象拔蚌净系加少少牛油，师传整十零秒，加入少少柠檬汁，就食得啦。首先试原味先，蚌肉好新鲜好弹牙，口感好好。之后就可以试吓浓味少少嘅Wasabi酱，好惹味。我见同枱嘅其他客大部分都拣咗龙虾餐，大家望住我哋嘅蚌好似好有兴趣咁🤣
季节料理--蒜蓉炒日本白花菇，呢个菜又系会跟季节转嘅，𠮶晚我哋就食到大大只嘅日本花菇，菇整得好冧好入味，加入蒜蓉，增加香味。
熊本県产A+和王牛
呢个唔系普通和牛，系和王牛，极品中嘅极品🤣师傅烧嘅时候净系加咗少少盐同胡椒，我哋先试咗一旧原味，果然系高级和牛，入口即溶，油脂十足，好香。之后就加少少wasabi，上面加葱片，再加酸汁 ，可以平衡返个油腻感觉。仲有一种食法，就系加西式啲嘅车厘子汁，甜甜哋，好好味。最后食埋日本甜番薯同羽衣甘蓝，正。
最后系炒饭，师傅炒得好香，一啲都唔油腻，而且唔会好重味，食完一碗都唔会觉得滞，如果可以嘅话，想嚟多碗🤣同时会上埋碗汤，蘑菇鸡汤，汤又系煮得好鲜又一啲都唔油。
铁板部分上完啦，最后有四款甜品选择，分别有柚子雪芭、抹茶雪糕、豆腐雪糕同埋蜜瓜，我拣咗柚子雪芭，酸酸甜甜好好味，朋友就拣咗日本蜜瓜，当然系劲甜啦。
好满足嘅一餐饭结束啦，不过我哋睇到隔离有几枱食紧omakase好似都好吸引，下次会再嚟试埋🤩今次结束咗，下次再见🤣
张贴
