百芳池上便當 (大河道) (已搬遷) 新店位置

百芳池上便当之前已经试过堂食一次，今日懒得出街就用app叫外卖食用外卖app叫其实系贵过堂食的，堂食既定价算系合理，佢饭既份量好多，两次我都食唔哂。百芳猪扒便当呢个便当既外形已经十分之富有台湾风味。便当盒系木（？）既质地。重点系佢超级丰富！除左主菜猪扒，同埋好多饭之外，配菜仲有粟米、肉碎、卤蛋、粉丝等等。所有配菜都整得相当入味。猪扒调味都不错。芋圆奶茶不得不提我上次系到饮珍奶既印象其实好一般。今次就试试呢杯，外卖叫左少冰半糖。黎到啲冰都冇咩点溶，所以温度ok.但系一如既往，佢个茶底真系唔ok,淡而无味，一啲茶香奶香都冇。不过值得表扬系啲芋圆好烟un,几好食。外卖便当连埋泡菜，出奇地几好食㖞佢。