六合小巷 (已結業)

今日同瑞士嘅朋友叙旧，佢好钟意食台湾嘅食物，见北角电厂街联和大厦地下开了一间新嘅舖头，叫六合小巷，装修望落去好舒适又有台湾feel，就带咗佢入去吃东西。我食咗一碗原味牛肉面，牛肉炆得又淋又香滑，幼面好软熟好滑，店员即时加牛肉汤在面上，倒汤嘅时候已经闻到好香嘅牛肉汤味。👍🏻外国朋友赞不绝口。我就比较喜欢吃炸物，叫咗盐酥猪扒面，猪扒好入味又松脆，松脆得来又唔觉得肥腻。面嚟咗之后，店员系你面前加上清汤，唔会一早就浸到啲面淋晒。都几欣赏佢哋嘅服务。叫咗肉松皮蛋滑豆腐，呢个配搭又几夹味，系一个凉食，豆腐冰冰冻，配上皮蛋，加上一啲台湾嘅肉松，好开胃。香芋鲜奶好香嘅奶味同埋芋头味，有一粒粒嘅芋头，少甜，唔错。朋友喜欢饮热嘅红枣杞子桂圆姜母茶，饮落去唔会太甜，感觉到是一杯很健康的茶。我非常喜欢六合小巷的台湾美食，会再来吃☺️