燈籠滷味 T.P.E. (M88) (已結業)

系中环想食台湾野,选择真系唔多。今日lunch嚟到呢间食店,胜在人唔多,唔使点排队。门口啲霓虹灯仲好吸引我打卡添,嘢食又好冇呢?入到餐厅,坐低见到啲装修好特色,有卡位又有吧台,枱与枱之间又唔算迫,坐得都好舒服。自己扫code落单,够晒先进。我哋嗌咗午市套餐,包括眷村怀旧排骨卤肉便当、阿嬷古法卤鸡翅膀卤肉便当,仲有单叫左阿嬷古法卤鸡腿卤肉便当。其中头两个餐系包埋台式饮品,一个set有三碟小食、一碟𩠌加一碗饭,八十几蚊个餐,仲包饮品,系中环黎讲,认真系抵食。补充一下,鸡腿便当只鸡脾虽然冇图片咁大,但系一样丰富好食。再补充一下,每个餐啲𩠌底下都有好多菜、粉丝同埋粟米,净系食d𩠌都已经饱晒,所以男士会觉得好满足,女仔就可能觉得太饱喇! 顺便讲埋个卤肉饭,都好香口唔肥腻,唔错!我哋仲叫咗个小食~海苔盐酥鸡,有个shake shake纸袋畀我哋, shake完至食,好玩又好食…哈哈。餐厅仲不停播啲台湾流行曲,营造台湾feel,心情都轻松啲!我对呢间餐厅整体感觉非常好,下次会再黎帮衬。