刕舙馫麵館 (已結業)

朋友今次介绍咗去一间连名都唔识读嘅面馆，一开始都惊会好伏，但估唔到真系几好味，辣得好过瘾！佢有超过20款𩠌可以拣，有选择困难症嘅我简直睇到眼都花埋。餐厅嘅墙都画上壁画，几有美感！最后拣咗食麻辣野必食嘅鸭血配鹌鹑蛋。配菜同刀削面系分开上。两样份量都几多！鸭血独特嘅味道配上麻辣味，简直一流！鹌鹑蛋正常发挥。而刀削面就都几弹牙，汤底唔会太咸！朋友叫咗口水鸡刀削面。估唔到个鸡都几滑。叫咗麻辣微辣，辣劲唔强，钟意食辣嘅朋友可以叫少辣。加咗个麻辣鸭肾，9蚊有咁大份，算好抵！皮蛋就18蚊，个辣真心几正！