城寨風味 (已搬遷) 新店位置

之前tvb播城寨风云时就好想到这家店试试，终于在一年多后有了就次机会。餐厅下午5点半开始提供晚餐，我们打电话订了6点的位子，被告知只能吃到8点半。6点半后这里已全线满座。店舖布置咗好多有特色的装饰品，连地上都有铺铜钱。唔怪得之好多顾客来此打卡。出品方面都有自己风味：乳猪：名符其实的乳猪，所以皮薄而脆，冇肥膏，另加咗特别的酱料烧，所以亦有淡淡的香甜味。大人小朋友都好爱。鱼肠：好考功夫的菜式，唔系度度都有得食。呢间的鱼肠几足料，焗出来成个煲都好干身，唔会有痴底同粘粘的感觉，虽冇加果皮，但亦唔会腥。不过有d鱼肠都苦苦地。乳鸽肉不多，味道相对其他食肆的会略显清淡，亦冇跟餐上淮盐。茄子系亮点，上碟好大条，以为系斋，但原来内有酿墨鱼滑，正。鸡煲的鸡肉好嫩滑，又入味，连小朋友都食到停唔到口。炒饭亦有卖相，又有实际，干身香口，粒粒分明。最后仲要赞吓前菜，猪仔脚意想唔到咁嫩，牛肉腍身，酒香四溢。餐厅仲冇切饼费，真系值得再食过。