影片
更多
2012-02-24
163 浏览
今日系重要的纪念日, 当然要揾间好嘢嚟开餐啦.而呢间餐厅讲咗好耐话要去试试, 但都因各种因素未能成功.今日终于实行了.6:30 未够去到, 无订位, 但 walk-in 都 OK, 只要8:00前交枱就得, no problem, Let's Go去到德国餐厅, 当然要饮德国啤酒啦, 叫咗 Maisel Weisse (1L), 可以分开 2 只杯 (各500ml) 上, 细心, 加分.1L 要成 $102, 即系要 $51 杯, 味道好有麦味, 而且唔太苦, 易入口 (老婆都饮到津津有味), 超值.另外叫咗个前菜沙律, 烧鸡沙律 Chicken Romaine, $98串烧鸡烧得好入味, 但得一串烧鸡比较小家啲, 如果比多串会好啲啰.罗马生菜够爽够甜, 份量可以.好, 跟住叫主菜啦, 叫咗 2 款德国餐, 除了啤酒, 当然就系德国肠啦, 德国肠胼盘伴酸椰菜及薯仔沙律 Sausage Sampler, $215成盘嘢有好多款肠, 观能上已经好满足. 至于每条肠系咩味道真系已经唔系太记得, 但总括都系好味嘅.除咗德国肠, 唔食德国咸猪手点叫做食德国菜呢, 所以脆皮烧猪肘配酸椰菜及薯仔沙律
而呢间餐厅讲咗好耐话要去试试, 但都因各种因素未能成功.
今日终于实行了.
6:30 未够去到, 无订位, 但 walk-in 都 OK, 只要8:00前交枱就得, no problem, Let's Go
去到德国餐厅, 当然要饮德国啤酒啦, 叫咗 Maisel Weisse (1L), 可以分开 2 只杯 (各500ml) 上, 细心, 加分.
1L 要成 $102, 即系要 $51 杯, 味道好有麦味, 而且唔太苦, 易入口 (老婆都饮到津津有味), 超值.
另外叫咗个前菜沙律, 烧鸡沙律 Chicken Romaine, $98串烧鸡烧得好入味, 但得一串烧鸡比较小家啲, 如果比多串会好啲啰.
罗马生菜够爽够甜, 份量可以.
好, 跟住叫主菜啦, 叫咗 2 款德国餐, 除了啤酒, 当然就系德国肠啦, 德国肠胼盘伴酸椰菜及薯仔沙律 Sausage Sampler, $215
成盘嘢有好多款肠, 观能上已经好满足. 至于每条肠系咩味道真系已经唔系太记得, 但总括都系好味嘅.
除咗德国肠, 唔食德国咸猪手点叫做食德国菜呢, 所以脆皮烧猪肘配酸椰菜及薯仔沙律 Pork Knuckle一定走唔甩, $175碟猪手送到埋枱先切, 一路切, 啲香味一路吹埋嚟, 口水即刻起势流; 一路切, 一路听到卜卜声, 猪手皮实在太脆了.
切完, 上枱, 即刻嚟一旧, 够入味但一啲都唔太咸, 皮香脆可口, 但近边位有啲硬, 肉 ok 嫩而且有少少肉汁, 结果一旧又一旧送入口.
但可惜老婆话食到阵臭猪味, 但我就唔多觉㖞, 可能所谓嘅 "臭猪味" 系德国咸猪手应有的味道挂, 唔知呢, 对我嚟讲好食就得.
另外, 2 款主菜都有配上酸椰菜及薯仔沙律酸椰菜呢家嘢呢, 小弟不嬲都唔食, 所以比唔到 comment.
至于薯仔沙律, 酸酸冻冻的, 又几好㖞, 食到漏漏哋, 食番几粒中和吓都唔错.
饮吓酒, 食吓肉, 谈谈情, 8:00 埋单交枱走人 (连加一$649, 虽然贵咗少少, 但可接受) , 满足+开心+肥仔的一餐张贴
