影片
更多
2022-04-08
158 浏览
我哋好少去楼上Cafe，不过今次经朋友介绍我哋话呢间餐厅性价比好高，特别系意粉，咁我哋更系试一试！慢煮安格斯封门柳温泉蛋扁意粉 ($128)：扁意粉煮得刚刚好，好al dente！ (ed小分享：意大利文，形容pasta嘅口感，即系有咬口，唔会过硬或淋身) 蒜头、橄榄油和香草去滋润每一条意粉，再加上日本温泉蛋嘅加持，成件事都好滑溜，好好食！慢煮嘅安格斯封门柳，口感一啲都唔韧和嚡，好淋身 (ed小分享：封门柳，英文是Hanger Steak，系横膈膜的肌肉，肉质松软，不易韧，而且牛肉味极为浓郁，不过呢个位臊味会相对浓烈，所以好考大厨处理嘅功力) 灼烧北海道带子刺身蒜香原条明太子扁意粉 ($116)：意粉嘅质素同上面一样，唔累赘啦。带子和明太子都系刺身级别，好新鲜惹味🤤 带子唔会煎得过老，外脆内软！将原条明太子捞埋意粉一齐食，充满咸香，又弹牙，正！呢个真心推介，我哋觉得呢个比封门柳温泉蛋扁意粉更为出色！手冲咖啡 ($78)：帮衬得coffee shop，点可以唔试埋佢哋个手冲咖啡！我哋今次试咗哥斯达黎加出产，浅度烘焙嘅咖啡豆！饮手冲咖啡，都好考验店员对咖啡嘅认识和了解，并基于客人嘅要求作出
慢煮安格斯封门柳温泉蛋扁意粉 ($128)：扁意粉煮得刚刚好，好al dente！ (ed小分享：意大利文，形容pasta嘅口感，即系有咬口，唔会过硬或淋身) 蒜头、橄榄油和香草去滋润每一条意粉，再加上日本温泉蛋嘅加持，成件事都好滑溜，好好食！慢煮嘅安格斯封门柳，口感一啲都唔韧和嚡，好淋身 (ed小分享：封门柳，英文是Hanger Steak，系横膈膜的肌肉，肉质松软，不易韧，而且牛肉味极为浓郁，不过呢个位臊味会相对浓烈，所以好考大厨处理嘅功力)
灼烧北海道带子刺身蒜香原条明太子扁意粉 ($116)：意粉嘅质素同上面一样，唔累赘啦。带子和明太子都系刺身级别，好新鲜惹味🤤 带子唔会煎得过老，外脆内软！将原条明太子捞埋意粉一齐食，充满咸香，又弹牙，正！呢个真心推介，我哋觉得呢个比封门柳温泉蛋扁意粉更为出色！
手冲咖啡 ($78)：帮衬得coffee shop，点可以唔试埋佢哋个手冲咖啡！我哋今次试咗哥斯达黎加出产，浅度烘焙嘅咖啡豆！饮手冲咖啡，都好考验店员对咖啡嘅认识和了解，并基于客人嘅要求作出适当嘅推荐，就好似品酒咁！以我哋呢只为例，主打花香、水仙、茉莉花、蜜糖并带有少少焦糖和以酸梅作为收结，light body，好舒服😌
总结，食得出呢间餐厅嘅老板好有心去做意粉和coffee shop，不过碍于店面比较细，星期六日想去嘅话最好12点左右就去，否则都要排队！有兴趣嘅朋友去试一试，支持下！
张贴
