大大鑊 (已結業)

今晚一行六个女仔book左7点半食饭，限时2小时既，不过今晚都无人等，所以就无赶我地走。一坐低，就送上海带汤同6款小菜，我喜欢带点wasabi味的萝白同茄子，小菜可以免费添呀。叫左一个炒辣鸡既4人餐，有个沙律，有个炒粉丝，可以追加一款例如年糕呀公仔面呀𠮶d同4杯好似20蚊定15蚊以下既饮品。米浆几好饮，我地追加左芝士去一齐炒，仲加左份猪手同冷面。呢个星期做promotion，叫套餐可以平d加一份或半份猪手。今晚有幸由老板娘帮我地炒鸡，有好多料呀，韩国老板娘好亲切呢，味道几好，偏浓味。猪手就淡味一点，可以点附上的酱会好吃一点，沙律菜新鲜，整体食物味道okay。服务方面，系亲切的，但太忙了，有时叫添小菜和添茶就会忘记了，要追一追。价钱方面，我们6人吃了1052元，每人只需175元，又坐得舒服，又好服务，值呀！同老板娘炒鸡时倾计，呢d小店真系生意难做呀，下次会再黎帮衬的！