Library Restaurant and Bar

营业中

休息中

第二次帮衬，今次带朋友黎食下。我地无订位，系出面等左一阵都好快有位。4个人叫左5样野食：封门牛柳，蚬肉意粉，猪肉肠猫耳朵粉，白酒忌廉青口同埋黑松露酱炸薯条。仲叫多杯四大美人。Overall 感觉系每样野都放得好精致，但份量都好少，系几好食既，但又未至于系必食既感觉。四大美人最impressive 👍🏻似系fruity drink，饮落甜甜地，有少少酒味但都易入口，presentation都好靓但就得好少～咩discount 都无，加一都$154一杯，不过好好丑丑就试下喇。蚬肉意粉啲蚬肉粒粒都肥美，唔错。猫耳朵就硬左啲～另外叫封门牛柳果阵staff无问我要几多成熟，黎到个样似5成～唔系话好tender不过都咬得烂既。同埋一开头问staff要杯暖水，黎到杯水有好多黑点点🤨好彩佢都愿意帮我换过杯。仲有就系如果坐入面都有机会闻到出面啲烟味。总结系如果多人聚会就唔太建议依间，每样野都可能分得一啖～可能你话叫多啲野食未饱啰，但我地试左几样野后都无话想特别叫其他野lu。