原藝 (已搬遷) 新店位置

门面靓唔靓同一间铺头吸唔吸引到人入去真系好大关系！ original art门面好靓，食过你就会知道，唔系净系门面靓，佢啲食物都好靓！座位唔系好多，全部都系吧台位，但胜在娇小玲珑！选择都唔算好多但系每一样嘢都做得好精致！前菜拣咗虎虾沙律长通粉同埋炸芝士。 冇见过咁细size嘅长通粉，都几得意。个沙律酸酸甜甜好开胃！ 炸芝士令人眼前一亮！好有咬口，烟烟韧韧，芝士味好浓厚，而且出面𠮶层粉都唔会太厚。冇谂到呢度竟然有串烧食！份量少少，但真心好好食！ 而且现场即烤都唔会成个餐厅都系𠮶阵味！ 右手边呢个菇真系冇得输！劲juicy！ 啲芝士仲可以完全同个菇融合！我忍唔住encore左！仲有呢个烧蕃茄仔真心正！松露嘅味道唔会太重抢咗蕃茄！佢地互相配搭得非常之好！ 真心冇谂过呢两样嘢可以咁match! 哩个牛扒相对头先上面嘅食物价位系贵咗少少，但食完就觉得佢真系完全物超所值！ 其实佢都只系好raw咁样烤，但可能因为用料真系好上乘，所以好好食！ 我哋叫咗五成熟，岩岩好，肉质一啲都唔韧！ 最画龙点睛嘅就系佢啲海盐！唔单只系喺个牛到，仲系个薯蓉到！ 佢个薯蓉本身已经好smooth， 食落口嘅时候间中咬到一两