Couple's Kitchen (已結業)

雙重芝士松露惹菌薄餅 $158芝士味好香濃，松露味道香，而且有好多茹菌。餅底係薄底嗰一隻，差唔多一半嘅厚度係芝士嚟，肥妹仔食咗三片頂唔順，因為真係超重芝士味，要唞唞。手工意式香草蕃茄肉醬千層麵 $158呢一個千層麵超級好食，佢嘅蕃茄好濃，應該係用咗茄膏。肉醬炒得好香，加埋少少香草食落去好正，個千層麵食落去煙煙韌韌。焦糖餅乾芝士蛋糕$48成晚最期待就係呢一個芝士蛋糕，勁好食，超濃既隻焦糖餅乾嘅味道，仲有少少咖啡味。芝士食落去好清，一定要食。