Gochi (已結業)

喺乐富来讲呢间西式餐厅算系一间环境唔错嘅餐厅。总共分为两层，下层系有吧枱，全部高櫈，不过胜在可以见到调酒师调酒；上层就系有卡位，坐得比较舒服，另外景观啱啱可以望到巴士总站同天桥位，感觉上景观开阳！皇后薄饼：呢个Pizza有水牛芝士、罗勒、蕃茄酱。呢个薄饼味道唔算十分分浓郁，不过Pizza底几好食，好松脆。野菌大啡菇意大利饭：呢个意大利饭有多种野菌、意大利Bacon、忌廉、原只大啡菇。味道好浓郁，野菌味好重，一个人食可能会太腻，所以建议同朋友一齐分享。