橘焱胡同燒肉夜食 (已結業)

橘炎胡同烧肉夜店胡同喺台湾都几出名，上次去台湾，因为时间关系，食唔到，知道香港开咗间，真系心郁郁要一试。提提大家，晚市一定要早D订枱，佢成日都好爆。入到去，环境都几好，唔会好迫，亦设有locker俾大家摆袋，呢个位，足见细心。食物款式多，而且系美味嘅，不过，正如我所讲，好有态度，就算店员点忙，都坚持帮你烧，有时店员忘记咗，就咁烧焦🤦🏻‍♀️咁我哋自己处理一下，店员又会说一大堆国语话有唔同次序。而且换烧网频繁，又要等佢热，前后呢餐食咗4个钟，都未饱，嘢又未烧完，喺D肉未烧完的情况吓，店员曾经想赶我哋走😂😂解释之下，经常甩单，又无人帮忙烧等原因之下，先俾我哋留底食埋D肉🤦🏻‍♀️🤦🏻‍♀️🤦🏻‍♀️🤦🏻‍♀️头先讲过，食物是很好的，一些前菜，例如酒酿蕃茄、辣萝卜是很好吃的，叫咗2转。牛类，牛肉，豚肉好系靓货，btw牛舌系最最最好味。五花牛，牛筋条都好正，嫩、有肉汁海鲜类必食的一定系墨鱼香肠，台湾直送feel，充满台湾的味道。