皇室冰廳 (已結業)

近期见客多咗去荔枝角长沙湾，发现都唔少性价比高、价钱平份量足嘅抵食午餐，啱哂一众想开源节流悭多个钱嘅打工仔元州街呢条大直路上都有堆茶记，其中就数呢间皇室冰厅门面较为光鲜起眼，离远一望就望到。价钱以同区而言属中等，午餐包爱心汤水，就算外食嘅日子都可以滋补吓养吓生🥳为配合疫情，餐厅除咗搓手液外，仲提供埋消毒纸巾，食都食得放心啲～好耐无食焗饭，呢度有得选择猪扒/鱼柳/鸡扒，酱汁亦可菠萝蕃茄/咖喱二择其一，够哂人性化✨我拣咗菠萝鲜茄芝士焗鸡扒意粉，上枱果然无失望，茄酱酸甜适中，仲有件件鲜茄，有口感得嚟茄味浓郁。鸡扒大大件，厚身嫩滑，预先切件再焗，方便食用，唔洗客人自己切，避免切碎哂啲意粉嘅情况🤣如果再多啲芝士会更香口～朋友点嘅咖喱鱼柳意粉，咖喱椰香味突出，口感带薯仔嘅颗粒感，夏天食完出身汗尤其消暑。鱼柳大小适中，都算几厚肉，脆身又唔会炸得太油，同咖喱好夹👍🏻👍🏻上菜速度快，即使即制焗饭落单后10分钟内已经上枱，唔怕lunch hour一个钟食唔切。