紅煮意

营业中

休息中

星期五晚，打算去油麻地电影中心睇戏，睇十点几场，所以有时间慢慢食个晚餐，朋友介绍我可以去附近嘅红煮意。老实讲，如果无人介绍，真系无必会留意到呢间餐厅。可能因为地点关系，星期五七点几，都唔算好多人，加上楼底高，整个感觉唔会太焗促，同其他食客会有啲距离，私人空间多啲。听讲逢星期六晚会有乐队驻场表演，可惜早咗一日上嚟。讲返正题，首先讲个蘑菇汤，合格嘅蘑菇味够香，个汤唔会太稀太水。呢到只系得一款汤，无得拣，钟意红汤嘅朋友要留意返。主菜分别叫咗一个鱼扒、一个肉眼扒，原本想叫海盐烧比目鱼扒，可惜无比目鱼扒，所以转做鲈鱼扒。鲈鱼扒鱼皮个面煎得好脆口，但入面唔会煎到太干身，配埋个汁整体感觉都清爽。另外就叫一份五成熟肉眼扒，配烧汁，肉质鲜嫩，都唔错，值得推荐。特别一提餐厅系播广东歌，凭电影票尾仲可以有优惠。老板应该都系一个重视文化发展嘅人。