金恒香海鮮酒家燒鵝專門店 (已結業)

新正头去大埔亲戚拜年，一定会拣呢间楼下街坊酒楼饮茶，除咗贪佢方便就脚，其次就系好有新年气氛，我哋两张大枱一坐低，嘢食都未叫就见到粉红狮子吖即刻醒佢十封八封利是，佢都好识做咁帮我地影相。连点心纸都怀旧风的贺年点心见到个样都觉得够神气。新年点心好似冇乜点加价，但系就要等好耐，因为差唔多全场爆满，我都系等左差唔多30分钟先有点心，但系一班人围住坐倾吓计好快就过。肠粉入口够晒香滑，仲有我最钟意嘅潮州粉果～好味。带子饺不错仲有就系新年必食嘅烧腩仔。带子海鲜炒饭同埋雪菜肉丝炆米，普通简单，味道正路冇得输，入口热辣辣。