味道樂居酒屋 (河內道) (已結業)

依间位于尖沙咀嘅居酒屋，斋睇门面已经好有日本嘅感觉，入面仲挂咗唔同日本旧时嘅海报，好似真系置身喺日本嘅居酒屋！嗌左主打既原条成田炭火烧鳗鱼饭，真系超级大条嘅鳗鱼，食落有少少炭烧既香味，调味就甜左少少，无咩细骨，胜在啖啖肉！卷物嗌左火炙北海道帆立贝蟹膏卷，帆立贝同蟹膏都几夹，味道丰富！最有惊喜嘅反而系清酒煮大蚬，越简单嘅嘢其实越难煮得好，大蚬肉质好嫩，好有鲜味，配埋清酒去煮真系一流！小食香炸日本池鱼仔，坊间比较少有，咬落香脆好啱送酒，而比较期待嘅明太子鸡翼就烧得唔够热，少少失望！串烧嗌左鸡软骨同明太子免治鸡肉串，烧得好香又够热，味道唔错！最后仲嗌埋牛肉寿喜烧，汤底甜度适中，食落唔会甜到渴喉！整体食物质素唔错，上菜速度好快，虽然张枱比较细，但侍应好细心，会因应你用餐既进度先再上另一道菜，真系好贴心，虽然坐迫D，但几有风味！