影片
更多
2015-06-19
4186 浏览
今日同妈妈一齐去呢间日本餐厅食饭喺外面睇嘅时候，已经觉得呢间餐厅有啲料到，系唔错嘅选择。虽然价钱有啲贵 ，但系都决定咗入去。一入到去，坐低之后，发现店内大多都系日本人。成个感觉就好似去咗日本嘅日本餐厅咁，只有少量嘅香港人。 我地叫咗一碗牛肉乌冬，一碗岩手県冷面同埋一碟炸鸡。先讲前菜。个前菜系有辣嘅八爪鱼片，昆布同少少青瓜。我觉得个前菜唔够冻，令到啲八爪鱼片有啲腥。如果佢再雪冻啲个感觉就会好好啦。之后就系牛肉乌冬。个汤非常清纯，好好味，又唔咸，一饮就知冇味精！值得一试。啲乌冬好爽口，好弹牙。整体觉得好好。个炸鸡好脆卜卜，鸡肉好嫩，炸得又唔过硬，真系唔错！ 个冷面就麻麻啦。啲面就硬咗啲，但系个冷面汁酸酸辣辣咁好开胃，鱼生就都几新鲜嘅 价钱方面呢，我就觉得贵咗啲啦。而且食物份量方面比较少。如果想医肚嘅就慎入啦。而且，呢到嘅上菜速度都比较慢。个冷面就等咗半个钟啦。仲要催几次先有添 。不过，整体嚟讲都ok嘅
喺外面睇嘅时候，已经觉得呢间餐厅有啲料到，系唔错嘅选择。虽然价钱有啲贵 ，但系都决定咗入去。
一入到去，坐低之后，发现店内大多都系日本人。成个感觉就好似去咗日本嘅日本餐厅咁，只有少量嘅香港人。
我地叫咗一碗牛肉乌冬，一碗岩手県冷面同埋一碟炸鸡。
先讲前菜。个前菜系有辣嘅八爪鱼片，昆布同少少青瓜。我觉得个前菜唔够冻，令到啲八爪鱼片有啲腥。如果佢再雪冻啲个感觉就会好好啦。
之后就系牛肉乌冬。个汤非常清纯，好好味，又唔咸，一饮就知冇味精！值得一试。啲乌冬好爽口，好弹牙。整体觉得好好。
个炸鸡好脆卜卜，鸡肉好嫩，炸得又唔过硬，真系唔错！
个冷面就麻麻啦。啲面就硬咗啲，但系个冷面汁酸酸辣辣咁好开胃，鱼生就都几新鲜嘅
价钱方面呢，我就觉得贵咗啲啦。而且食物份量方面比较少。如果想医肚嘅就慎入啦。而且，呢到嘅上菜速度都比较慢。个冷面就等咗半个钟啦。仲要催几次先有添 。不过，整体嚟讲都ok嘅
张贴