影片
更多
2017-10-27
590 浏览
上次同朋友入去大围食野𠮶时行过见到博多拉面，约好左今次要食呢间! 大约7点左右入座，唔洗等位。服务员服务态度好好，喺我地讨论紧食咩好𠮶时向我地说明推介唔同食物，解释番食物既特点，好专业！最印象深刻系，听到隔离枱落单时，两位客人分别点左拉面同饭，服务员解释:「饭既制作时间会快过拉面，请问需唔需要一齐上菜? 我地可以因应番个料理次序」，考虑埋平时同枱会等埋食物先一齐开始食，但又唔想因为要客人等待而错过左食物最好既状态，好专业！最后我点左份<风>豚鸡骨鱼介拉面，见佢喺咁多拉面之中系最清淡，而点拉面既时候亦可以选择面条软硬，汤底味道浓淡，加葱与否。我今次选择左普通面质，淡味，唔加葱，试下清淡既拉面。饮左啖汤底，佢清淡得黎有一种鱼香，好易入口，又唔会好似出面饮味精汤咁会口渴。拉面个感觉还可以，可能由于个汤比较出色，所以觉得个拉面无乜特别。两块豚肉食落唔太咸，吊到味，油份亦十分适中，入口唔会觉得油腻。如果唔钟意食太浓味既朋友，呢个拉面好适合你。朋友亦都叫左个脆炸海老饺子一齐分享。34蚊4件，都还算ok。不过比起拉面就感觉普通左少少，同平时食到既炸饺子分别不大。不过佢比左芝麻酱我地点
最后我点左份<风>豚鸡骨鱼介拉面，见佢喺咁多拉面之中系最清淡，而点拉面既时候亦可以选择面条软硬，汤底味道浓淡，加葱与否。我今次选择左普通面质，淡味，唔加葱，试下清淡既拉面。饮左啖汤底，佢清淡得黎有一种鱼香，好易入口，又唔会好似出面饮味精汤咁会口渴。拉面个感觉还可以，可能由于个汤比较出色，所以觉得个拉面无乜特别。两块豚肉食落唔太咸，吊到味，油份亦十分适中，入口唔会觉得油腻。如果唔钟意食太浓味既朋友，呢个拉面好适合你。
<风>豚鸡骨鱼介拉面
$81
20 浏览
0 赞好
0 留言
朋友亦都叫左个脆炸海老饺子一齐分享。34蚊4件，都还算ok。不过比起拉面就感觉普通左少少，同平时食到既炸饺子分别不大。不过佢比左芝麻酱我地点黎食，个酱系唔错，同炸饺子一齐食都几夹，所以加番少少分比佢。
脆炸海老饺子
$34
10 浏览
0 赞好
0 留言
另外两位朋友点左<林>竹炭黑蒜油拉面 同埋 <火>辛口肉味噌拉面，试左一啖竹炭黑蒜油拉面既汤底，有好强烈既蒜香味，可能系因为我本身份拉面系淡味，所以个感觉更强烈。个汤底饮落系好香，几岩钟意蒜香同浓味既朋友仔。
最后要提下佢既水，水质对一间拉面店既汤底好重要，的确佢比客人既饮用水系写住用左「备长炭净化」，一开始饮无乜味，比起平时喺屋企饮自己煲既水更加无味。或者可能系平时我地都市人饮既水无咁纯，所以唔系太习惯
题外话/补充资料：
呢间系一间好有诚意既日本拉面店！
(以上食记乃用户个人意见 , 并不代表OpenRice之观点。)
张贴
