申子居酒屋

营业中

休息中

今日要同FD饮一杯，一早book定晒位。哩间居酒屋装修得好日本风，晚上基本full晒饮品。宜家大部分做紧买一送一，好抵饮。黄金生姜酒，好特别嘅一款果酒。入口微甜，略带少少姜味同酒味，几好饮。西尾抹茶冻鲜奶，抹茶唔会好苦，饮落少少回甘。牛奶用咗鲜奶，成杯嘢唔会好甜，唔错。海葡萄冰菜沙律，冰菜偏脆口，加入海葡萄，仲会有爆浆口感。落咗大量日本沙律酱，每一啖沙律都裹满酱汁，食落好清爽。蓬松玉子，做得好似大阪烧嘅。玉子煎得柔软蓬松，入口即化。酱汁偏酸甜，同玉子好夹。鲜蟹肉粥，落咗大量蟹肉同鱼籽，仲有一条松叶蟹脚TIM。粥底绵软粘稠，花咗唔少功夫去煲制。大量蟹肉加入，食落粥底鲜甜无比。鱼籽加入，仲丰富咗口感。寿喜烧，偏关东风味。寿喜烧汤底清澈微甜，蔬菜嗦晒汤底滋味，食落更加鲜甜。牛肉质素唔错，煮耐少少，食落都好软嫩，唔会觉得韧。