薄荷葉泰國菜

营业中

休息中

今日陪朋友去打针，打完针就去揾野食，系体育馆对面就有间好似酒吧嘅泰国餐厅，一路播住泰国MV，锦有泰国feel，就入去食下野。餐厅系半开放式嘅，我地就坐左系室内位置，有冷气嘅。我地散叫左5款食物，分别有冬阴功汤、细小食拼盘、软壳蟹咖喱、薄饼、猪颈肉沙律。先来个小食，份量细细地，系腌制过嘅青瓜同萝卜，呢个唔会太酸，食落清爽，系合适嘅餐前开胃小菜。第一道来嘅系猪颈肉沙拉，呢个菜系餐牌上边有两个辣椒图案，果然不出所料，都几辣，都落左好多调味料，除左辣椒籽，仲有黑胡椒、炸蒜等等，辣得来几香口。第二道来左个冬阴功汤，呢个餐牌有一个辣椒图案，不过就无锦辣，我地叫嘅系细份，但系都每人分到2-3碗，分量都好足，汤料都好多。第三道就系细杂锦拼盘，有两串串烧一鸡一猪，烧得几好，唔会太干，而脆脆虾饼下面就覆盖住，半旧虾饼，半旧香茅肉卷同一条春卷，都好脆。而第四道就系软壳蟹咖喱，另加左一碟薄饼。薄饼系手抓饼，几吸汁。咖喱唔辣，底下料多，三色椒加洋葱，软壳蟹都有2只。汁唔会太稀，配薄饼食几好。