影片
更多
2021-05-16
449 浏览
疫症呢两年忠哥返唔倒星加坡，一得闲就在港行山，好多条行山路线佢都行过，可以叫做半个行山专家。前两日佢带埋我同埋靓女May一齐去鹤咀行吓，风景果然唔错。回程筲箕湾落车，三个人都话肚饿，梗系饿喇，全程行左三个几钟。靓女May话有间舖d面好出名，咁又不防试吓，入到去食左捞面，牛腩同埋腐乳通菜，食𠮶时就好味，食完出嚟超口渴，天气又热，想揾d野饮吓，行吓行吓去左东大街。咦，点解多左间铺叫做茶星人嘅，前几个月都唔见㖞，一定系新开喇。呢间茶星人外观几科幻又几光猛，用ET嘅谐音E.TEA做店名果然系几有噱头㖞，柜台前面重有大大个ET图像添，设计果然系几有心思。店入面大大个牌写住有乜野饮，全部都系台式饮品。正呀，我地好钟意饮台式野㗎。店内装修好有外星feel。可以用八达通梗系方便喇。我地三个超口渴加上天时暑热，马上睇吓有乜嘢叫嚟解吓渴先。墙上面推荐d饮品算系几色彩缤纷，相当吸引。靓女May见倒中间𠮶杯叫做水果大爆炸，即时叫左杯嚟试吓，梗系喇，佢经常食生果，唔系d身材边有keep得咁fit吖。我见个名咁出位，我又跟阿May叫左杯，甜度同冰度都可自订，我地要微糖同正常冰度。店内职员全部都系后生仔女，做野效
回程筲箕湾落车，三个人都话肚饿，梗系饿喇，全程行左三个几钟。靓女May话有间舖d面好出名，咁又不防试吓，入到去食左捞面，牛腩同埋腐乳通菜，食𠮶时就好味，食完出嚟超口渴，天气又热，想揾d野饮吓，行吓行吓去左东大街。咦，点解多左间铺叫做茶星人嘅，前几个月都唔见㖞，一定系新开喇。
呢间茶星人外观几科幻又几光猛，用ET嘅谐音E.TEA做店名果然系几有噱头㖞，柜台前面重有大大个ET图像添，设计果然系几有心思。
店入面大大个牌写住有乜野饮，全部都系台式饮品。正呀，我地好钟意饮台式野㗎。
店内装修好有外星feel。
可以用八达通梗系方便喇。我地三个超口渴加上天时暑热，马上睇吓有乜嘢叫嚟解吓渴先。
墙上面推荐d饮品算系几色彩缤纷，相当吸引。靓女May见倒中间𠮶杯叫做水果大爆炸，即时叫左杯嚟试吓，梗系喇，佢经常食生果，唔系d身材边有keep得咁fit吖。我见个名咁出位，我又跟阿May叫左杯，甜度同冰度都可自订，我地要微糖同正常冰度。
店内职员全部都系后生仔女，做野效率非常高，好快两杯野都搅掂啦。
哗都几大杯㖞，原来有成700ML咁多，d小姐真系一条气未必饮得晒。
水果大爆炸
$33
16 浏览
0 赞好
0 留言
一条气饮唔晒都唔紧要，原来杯盖上面又有个盖仔，而且好实净添，拧住行街都唔会倒泻。可以加番个盖仔留番阵间饮，呢个设计我真系好欣赏。
讲番杯水果大爆炸先，口渴到死，我同阿May火速咁饮。又真系几好饮㖞，冰冷度够，我至憎半冷半热嘅饮品。甜度就啱晒我地。潮流注重健康，唔兴太甜。至于解渴力度都几高，我同阿May饮左几啖，个口同喉咙即时舒服晒，大家都树起只手指公。
我一条气成杯饮晒，八八挂挂打开个盖，见倒有几多生果，果然系真材实料，但系有冇幅相上面写住咁多种类先？横掂阿May未饮完，等我对住幅相数吓先，火龙果，苹果，青柠，橙，菠萝，百香果，六种生果全部齐晒，算你冇呃我喇，我连生果都食埋，抵喇。
菠萝乳酸梳打
19 浏览
0 赞好
0 留言
至于忠哥，佢叫左杯菠萝乳酸梳打，要半糖同少冰。杯野外观都几特别，上紫下黄，几有梦幻feel。睇个名又几健康咁㖞，尤其系乳酸，对肠胃好有益。忠哥饮完后，我问佢有乜评语，佢话冰度啱佢心水，唔会冻到牙都痺埋个只，甜度又系啱啱好，佢平时好注重健康，太甜佢唔like, 佢话乳酸味几浓，整体嚟讲佢话相当ok,提神兼解渴㖞。
今日我同个住筲箕湾嘅同事倾起，佢话呢间台式饮品店三月份开业，生意几好，假日重要排队添。
张贴
