Orange Elephant Thai Restaurant (啟德道)

营业中

休息中

今日想食泰国野，谂起之前揸车去九龙城有间几好食，而且有$1优惠，就去翻呢间。今日系星期一所以$1优惠系泰式明炉乌头鱼，无食咁耐依然好足料，未食已经闻到好香，鱼质唔算好嫩滑但胜在味道出色，食落清甜又带一点酸既味道，配菜有菇、酸菜、肉碎等都好入味，真系令人停唔到口。如果嫌唔够味仲有泰式辣酱同隔离个汤比你调配自己口味。之系上辣椒膏炒蚬，卖相唔算好吸引，但啲蚬大大只几新鲜，重点系个汁整得超好食！唔算辣但好有泰式风味，可以捞饭食一流！呢个汁包你食完仲想再食。最后上泰式虾球炒金边粉，唔知几时开始钟意食，但都唔系间间可以整得好食，以后可以黎呢度食了，啲虾望落已经觉得新鲜，食落爽口，个粉唔会太湿，有啲芽菜令到口感唔错，味道岩岩好唔算好浓，好岩我口味。每次黎都会叫椰汁冰，而朋友就叫咗椰汁珍多冰，会感觉到无沟水，椰汁味好正，珍多冰个杯就会有啲椰果丝等配料比你过下瘾，不过我个人就喜欢就咁饮椰汁冰多啲。总括嚟讲，今次比上次更加满足，今餐所有野都好想再食多次，会有想再黎食既冲动，而且餐厅几大下，7点几去就算见到好多人都有位可以即刻入。