666泰船麵 (仁愛街) (已結業)

食得泰国野通常一叫都几款例牌，每人几旧水落楼都走唔甩。但呢间就唔同喇，佢大部份既饭同面都系有大细size选择，方便哂唔大胃但又想试多几款既人，又抵食又唔浪费。*猪肉船金边粉*呢碗粉认真抵食。份量大，啲𩠌足料，汤底又煮得够入味。以呢个价钱黎讲性价比冇得弹。*泰式海南鸡饭*大大碟既啖啖爽滑嫰口鸡肉配油饭，岩哂我呢啲肉食动物。呢个又系超值推介必食之选。*猪肉串烧*猪肉加上美味酱汁烧到香脆可口，系串上面唔洗好用力整出黎，因为啲肉好爽口一啲都唔un*泰式炸鱼饼*呢个系最平价但又系数一数二好食既。鱼饼炸出黎既唔会有太多油/油味，所以本身鱼肉既味就几乎系原汁原味咁保留住。鱼肉弹性十足，好容易食完一块又一块，正！总括今餐系味道价钱份量加埋性价比超高既一餐，好值得推介。