羅勇泰國粉麵 (已結業)

今日提早收工，约咗妈咪和细佬去美丽华商场行街，行完街见有啲肚饿，就行咗去厚福街揾嘢食仲好，见到有间罗勇泰国粉面，六点前都有下午茶餐就入去试下店舖入面见到墙上有些泰国画象，都几特别。餐牌上的食物，以粉面为主，饭类只得三款及泰色小食冻柠茶就饮得多，青柠红茶就小见，清清地几好饮。秘制猪手卤水汤河-猪手卤得好入味，食落唔会太肥腻，秘制汤底又香又浓，好有泰国风味，比起平时食开泰式汤河及冬阴公汤河，呢个真系无得输。 睇落好细碗，由于河粉比较粗身所以食落有饱肚感。枱上放左四种酱料，可以加入河粉里面，好惹味食唔停泰式凤爪酸酸辣辣，爽口好味炸墨鱼饼热辣辣，鲜甜爽口配甜酸酱一流