萍萍上海館

营业中

休息中

一班朋友晚间相聚，又唔想出街食，好自然就会拎起熊猫app叫外卖。今次，就叫咗上海菜。从OpenRice上睇，餐厅门面其貌不扬，但看似很多好评，所以就叫左萍萍了。外卖送到了。当然冇堂食咁热，但都有微温。先试阿翁上汤小笼包。暖暖地，无左蒸出嚟果阵热力，但仍然食到佢嘅汤汁，馅肉唔太肥腻汤唔喊，即使系外卖，上汤小笼包仍然是好食😋鸡丝粉皮混合咗芝麻酱，捞得好好食。青瓜海蜇嘅海蜇好爽，混合左芝麻更加香口。京葱爆牛肉嘅葱爆得好香，只系牛肉有少少韧，一般水准。咸肉津白嘅咸肉，比较多左啲肥膏，而津白菜因为太多水浸住，好淋，津白要爽先好味，但即使变淋，仍然几好食。上海粗炒就有少少油腻，不太好。而锅贴很大只，但因为外卖，冻左无咁香脆。反而对佢嘅豆沙锅饼评价最高，虽然开始冻，但系外皮仍然很脆，豆沙馅有少少沙，似即磨红豆少咁，唔太甜，令整个就锅饼香口微甜亦有粒粒口感，亦系整个外卖评价最高嘅地方。如果要我评分，豆沙锅饼系第一，小笼包第二，鸡丝粉皮第三。虽然系街坊小店，但系绝对高质，好有上海沪菜嘅味道。