影片
更多
2024-03-10
2145 浏览
今个星期六约咗朋友去启德地标商场Airside新开嘅浪谷食东南亚菜。未入餐厅时睇过下餐牌，价钱都唔平，其实都担心会唔会货不对版，点知有意外惊喜。一坐低我哋就见到有班人喺室内场玩紧滑水，第一次见系几特别。不过由于啲水声都几大，所以同朋友倾计时都有啲辛苦，有少少美中不足。如果想静静地食餐饭，建议可以坐远离滑浪场或室外嘅地方。食物方面，餐牌上嘅选择唔算太多，都系大路嘅东南亚菜式，价钱平均一款都要过一百蚊。我哋一行四人，叫咗自家制泰式鱼饼（$98）、加多加多印尼什锦沙律（$138）、泰式菠萝海鲜炒饭（$168）、泰式大虾炒金边粉（$128）同埋印尼炒茄子（$118）。可能当日我哋比较早到场食lunch，食物上菜好快，温度方面仲系热辣辣。最好味一定系泰式鱼饼，质感好软熟，调味啱啱好，同出面食开干争争嘅唔同。另外，我真心推介大家试下泰式菠萝海鲜炒饭，饭底够香，配料亦好多，果仁好松脆香口。至于碟茄子，整体个酱汁系几开胃，但如果茄子再腌得入味啲就更好。今次餐饭比较深刻嘅有两样嘢。第一，食物嘅份量其实好大碟，完全唔似好多餐厅价钱高但用啲好细嘅碟上菜，浪谷嘅食物绝对配得起呢个价钱（其实都唔算贵）。第二，侍
一坐低我哋就见到有班人喺室内场玩紧滑水，第一次见系几特别。不过由于啲水声都几大，所以同朋友倾计时都有啲辛苦，有少少美中不足。如果想静静地食餐饭，建议可以坐远离滑浪场或室外嘅地方。
食物方面，餐牌上嘅选择唔算太多，都系大路嘅东南亚菜式，价钱平均一款都要过一百蚊。我哋一行四人，叫咗自家制泰式鱼饼（$98）、加多加多印尼什锦沙律（$138）、泰式菠萝海鲜炒饭（$168）、泰式大虾炒金边粉（$128）同埋印尼炒茄子（$118）。
可能当日我哋比较早到场食lunch，食物上菜好快，温度方面仲系热辣辣。最好味一定系泰式鱼饼，质感好软熟，调味啱啱好，同出面食开干争争嘅唔同。另外，我真心推介大家试下泰式菠萝海鲜炒饭，饭底够香，配料亦好多，果仁好松脆香口。至于碟茄子，整体个酱汁系几开胃，但如果茄子再腌得入味啲就更好。
今次餐饭比较深刻嘅有两样嘢。第一，食物嘅份量其实好大碟，完全唔似好多餐厅价钱高但用啲好细嘅碟上菜，浪谷嘅食物绝对配得起呢个价钱（其实都唔算贵）。第二，侍应服务态度非常有礼貌同周到，成餐饭分别有几个侍应每隔两分钟就同我哋斟一次水，落单同埋单时都好有笑容，所以成餐饭嘅体验都好开心。而家去Airside用HSBC信用卡食够$600，仲可以凭NF会员换$100电子优惠券。最后埋单$715，四个人每人$200都唔洗，真系好抵呀😊😊
自家制泰式鱼饼
$98
64 浏览
0 赞好
0 留言
泰式菠萝海鲜炒饭
$168
52 浏览
1 赞好
0 留言
泰式大虾炒金边粉
$128
192 浏览
1 赞好
0 留言
加多加多印尼什锦沙律
$138
67 浏览
0 赞好
0 留言
印尼炒茄子
$118
68 浏览
0 赞好
0 留言
张贴
