拳王泰國餐廳 (已結業)

今次来到铜锣湾，经过见到呢间咁特别既餐厅，就入去试下，估唔到有意外惊喜。入到去已见到好多打拳既装横，谂住都系食泰国野，但又俾埋日本野既MENU㖞。咁无办法啦，就食下"泰日菜"啦，哈！点左个"拳王小食拼盘"，有鱼饼，虾饼，春卷，鸡肉丸，点埋个泰式酱，好有风味，但好明显量太多，唉，食唔哂。再黎就系"明太子蟹肉三文鱼酥皮卷"，呢个其实冇得输，入口淡淡三文鱼，皮好脆，再加埋明太子吊味，值得重点推介。系时候食饭喇，"椰青海鲜焗饭"，呢个真系又一杰作，卖相特别唔在讲，仲要做到好重椰味，推推推~~~最后试埋呢个SHOOTER，又系好特别的，三只生蚝分别系浸系3杯唔同既野度，分别系酒，梳打，鼓油？哈。每个配搭都各有特色，我就最钟意梳打果个，因为好特别，估唔到一口梳打一口蚝系咁夹架！食完呢餐，好满足，下次会再黎试其他野！