Santorini Greek Restaurant

营业中

休息中

Set lunch 有餐汤或沙律、主食、甜品及饮品。餐汤：饮落味道似洋葱蔬菜汤，但嗒唔出真正系咩蔬菜，纤维感十足，味道不错。沙律：系希腊沙律，沙律菜上洒满羊奶芝士碎，清爽得嚟又有浓郁奶骚味。Souvlaki（$150）串烧可选鸡或牛，拣咗后者。串烧份量不小，有六大粒牛肉粒，望落好似烤得好干，但食落完全另一回事，里面仍软熟，而且仲有少量肉汁，牛味足带丁丁牛骚味，好味道。Pita bread 有四片，微温，口感软身，点埋酱汁（好清新，劲 fresh，青瓜、西芹、柠檬汁、乳酪）一齐食，劲夹，劲 like。薯条就唔合格了，似炸咗一段时间，唔脆身兼淋咗。Seafood risotto（$135）一上枱已经好香嘅香草味（并唔系浓味嘅香草，系清新嘅香草味）。米饭软身好够味，海鲜汁入哂味，海鲜有虾、蚬、八爪鱼、鱿鱼、吞拿鱼粒，连埋车厘茄及葱花，整体十分满意。甜品：今日系 tiramisu，size 唔细，味道正常。餐饮：咖啡系即磨，冻柠茶正常。餐厅装修好有希腊白色小屋 feel，坐得好舒服。PS：只收现金及AE，另收加一服务费。