阿元來了 (北街)

营业中

休息中

阿元来了都已经系香港开左一段时间，每次路过嘅分店都见到排队人数非常之多，今日路过坚尼地城见到呢间分店唔算特别多人，所以就等左阵位入去试一试。阿元卤肉饭佢嘅卤肉饭分左普通版或者阿元卤肉饭，分别系大碗啲同埋多左半只卤水蛋。佢嘅卤肉油香味好重，唔会太干同硬，肉都煮到好淋，配合埋入口溶化嘅肥膏，捞埋个饭食一流。盐酥鸡盐酥鸡炸得十分香口，然后里面依然系肉汁满满，调味亦唔会过份喊，同埋佢唔会太细粒，大大件超满足。台湾黑轮拼盘以鱼酱制成嘅黑轮，味道同食鱼蛋差不多，爽口而且扎实。另外豆卜包鱼蛋同时食到豆腐既软滑同鱼蛋嘅爽口，都几特别。卤味拼盘有猪耳、豆腐、蛋、鸡翼，卤得十分入味而唔会过咸。蚵仔煎蛋香味好重而且唔会煎到好老，蚵仔新鲜又大粒，饀料丰富，外脆内黏，配埋甜辣酱食不错。